Þristur verður sérstakur gestur Fjölskyldu og Húsdýragarðsins í vetur!
Stjórn Hestaspils fékk í haust ábendingu frá einum af eiganda Þrists um að Fjölskyldu og Húsdýragarðurinn hafi undanfarna vetur haldið graðhest, gestum sínum til ánægju og yndisauka.
Haft var samband við yfirdýrahirði og forstöðumann Húsdýragarðsins vegna þessa og þeim boðið að fá Þrist.
Á þeim tíma voru þeir að skoða fleiri graðhesta með þetta í huga.
Eftir smá umþóttun var ákveðið að þekkjast boð okkar, og fá Þrist.
Þristur mun mæta í Fjölskyldu og Húsdyragarðinn Sunnudaginn 11. Desember og gera sig klárann fyrir jólin

Fjölskyldu og Húsdýragarðurinn hefur sérstaklega sóst eftir fallegum og geðgóðum helst 1. verðlauna hest sem væri í senn sérstakur á litinn og þægilegur í umgengni, og þótti Þristur sameina alla þessa kosti. 
Í Fjölskyldu og Húsdýragarðinum er aðstaða öll til fyrirmyndar og mun ekki væsa um kappann.

Hægt er að fylgjast með fréttum á vef Húsdýragardsins:  www.husdyragardur.is

Ætlunin var að halda aðalfund félagsins í Húsdýragarðinum á sama tíma og Þristur mætti á svæðið en ekki náðist að hnýta alla hnúta í tæka tíð svo hægt væri að boða fundinn með þeim fyrirvara sem samþykktir félagsins kveða á um.
Stefnt er að því að halda aðalfund fyrir lok Janúar.

  
Kveðja

Stjórn Hestaspils